آخر الليل – إسحق احمد فضل الله – نكرر الصراخ
وقلنا أمس الأول أن النيل الابيض يتسلل إليها الجنوبيون الذين يعملون للدعم السريع…
ونحذر من أن دخول كنانة يصنع كارثة عسكرية( المطار)
وكارثة اقتصادية( المشاريع)
وكارثة تقصم ظهر مخطط الجيش( تهجير المواطنين)
و….
والان. لا كهرباء هناك…فالمركز الكهربائى يخرج من سلطة الدولة
وكوستى تيارها ياتى من جهة أخرى
وهذا يعنى أن مخططهم يبدأ العمل
والدعم قبل ١٥ ابريل الأسبق كان يبدأ حربه بوضع يده على الكهرباء فى العاصمة…ثم؟؟
(2)
والدعم/ لانه ينهار/ يصيب الامارات اليهودية بالجنون
وكلمة( انهيار) ما يرسمها هو قائد جنجويدى أمس الأول
قال
(لا الحكومة عايزانا
ولا الشعب عايزانا
ولا العالم عايزانا
وانتوا( يعنى الدعم) تقولوا….نحكم
نحكم منو؟
الفاشر كملت الرجال…
وانتوا استلمتوا نيالا وزالنجى….أها…حصل شنو؟
وكل يوم استنفارات…..دا كلام ما ماشى لا قدام
كملتوا الشباب
نسوان نصهم غزلان…والصغيرات يتامى
كافة بيت ما مات منو خمسة ستة…
انا فقدت اخوانى اتنين والتابلت بدون كراع….عشان شنو؟
عشان عشرة مليار؟
اهلنا اهم لينا…
فى الحرب دى كلها مافى خسران غيرنا…
وتقول. جيش فلول؟؟
الجيش دا كل القبائل فيهو
غرابة. نوبة. بقارة. مسيرة…رزيقات…جعليين. حاسة
مافى قبيلة الجيش دا ما فوقا
نحن اخير نستعدل…
الجيش كل يوم متقدم. ونحن ندافع….ندافع
وقول….فلول…نحن عندنا معاهم شنو. عشان نموت الموت دا؟؟
داورنا الابيض. الفاشر. المدرعات…الشجرة. سنار. وكلها ما سقطت…
وداخلين شندى ومدنى…أها …عملتوا فيها شنو؟
حتى لو استلمتوا الحكم ما فى زول دايركم…
وحميدتى لما كان حاكم. عمل لينا شنو؟
(3)
حديث القائد الجنجويدى هذا ننقله لانه يرسم الصورة كاملة
لكنهم الان بعد الفشل فى كل مكان يتسللون إلى كوستى وكنانة…
وسوف يضربون عاجلا حتى يخف الضغط على الفاشر ومدنى
