تعرض مكتب الفنان يوسف البربري لنهل وتحطيم وفقد مبالغ مالية كبيرة وكتب يوسف علي صفحته بالفيس بوك دا مكتبي المخصص لكتابة عقودات المناسبات في النادي الوطني نمره ٢ شارع المفتي جوار نادي الضباط وال ليهو اكتر من ٨ سنين
الليله الشباب بصعوبه قدرو يوصلوهو ويقيفو على حجم الضرر والتكسير والخراب الحصل فيهو واتضح انو الحصل ده كان في بداية احداث الحرب نسبة لموقعو الحساس وقربو الشديد من اماكن الاشتباكات وللأسف تم كسر ونهب كل شي موجود فيهو وفتح الخزنه والااستيلاء على مبالغ ماليه عباره عن
١. مبلغ ٨ مليار و٥٠٠ الف جنيه سوداني
٢.ومبلغ ٢٣ الف دولار
٣.ومبلغ ١٧ الف ريال
٤.شاشة تلفزيون سامسونج
٥.جهاز كمبيوتر
٦.شنطه فيها اكتر من ٦ او٧ دفاتر عقودات واختام خاصه بالمكتب اتفقدت تماما
والله على مااقول شهيد 🤚
ربنا يعوضنا كل خير ونلقاهو قدام والحمدلله على سلامة الارواح
وحمدلله على سلامة عمنا محمد حارس وامين المكتب ربنا نجاهو بااعجوبه وبصعوبه بالغه من موت محقق
انتو كسرو واسرقو واحرقو حق الرجال وتعبهم وشقاهم
والرجال تاني بشتغلو وبعمروهو وببنوهو وبعوضوهو وبرجعو كل شي من تاني واكتر واحسن مدام الروح موجوده كلو بنجيبو وبنعملو من الالف للياء و احسن من الاول وماحنبدا من الصفر حنبدا من الالف للترليون😍 ✌️💪
قال ديمقراطيه قال 😒😷
