معظم رواد مواقع التواصل الاجتماعي السودانيين #تنمرو من وجود كارو حمار في استاد القضارف في المباراة التي لعبت أمس بين الشرطة القضارف والهلال العاصمي
منذ سنوات طويلة اهل القضارف يعانون من العطش مافي مويه حلوه صالحه للشراب متوفرة في القضارف
ومعظم الشباب والطلاب وكبار السن يمتهنون تجارة بيع الماء في الاسواق والاحياء كل زول فيهم عندو كارو حمار فيها دبل برميل وجوزين جركانه وجوز المويه بلغ سعره اكثر من ٢ الف ج واحيانا قد لا توجد مويه
وكارو حمار اصبحت رمزيه وترأث من أثار ورمزيات القضارف
وهذا ان دلا يدل علي ازمة مياه الشرب
كل الحكومات المتعاقبة ظلت تعمل وتوعد من أجل تنفيذ مشروع المياه واخر عمل بدأ فيه والي القضارف السابق في حكم الانغاز الشهيد ميرغني صالح
رسالة الي رواد مواقع التواصل الاجتماعي الذين تنمرو وسخرو من وجود كارو حمار في استاد القضارف
ما صاح منكم ان تتنمرو علي وجود الكارو لان انتم لو عارفين معاناة اهل القضارف من مياه الشرب كان حولتو تنمركم دا الي نفرة او حمله لدعم تنفيذ مشروع مياه القضارف
دايما ما تتسابقو الاحداث وتتنمرو ركزو اول شي اعرفو طبيعة المنطقه
عام ٢٠٠٩انا كنت شغال في القضارف السوق الكبير كنت شغال في دكان تلفونات في مجمع التلفونات جوار سوق الخضار
وكنت ساكن حي كرفس
كنت اعاني والجميع كذلك يعانو من مياه الشرب
كان بعض الشباب بكونو شايلين حافظه مياه كبيرة فيها مويه حلوه صالحه الشرب وتلج وكان بكونو شايلين كوزين بعزفو نغمه حلوه بالكوزين ديل من بيعد انت بتسمع النغمه وبتعرف دا بتاع مويه طوالي بتناديهو وبتشرب لمن تروه ب ٥٠ قرش فقط
لذلك لا نستغرب وجود كارو حمار في استاد القضارف لان الاستاد بدخلو الآلاف المشجعين وبكونو عطشانيين محتاجين للمويه
التحيه لي جميع أهالي القضارف
للعلم القضارف اكبرمنطقه زراعيه في السودان وكبار المزراعين في افريقا والعالم العربي من القضارف وهي تورد اموال كثيرةلخزينه الدولة
وابسط الخدمات لا توجد فيها
أسأل الله أن ينعمو في القريب العاجل بمياه شرب حلوه
واتمنى من حكومه السودان الإسراع بتنفيذ مشروع مياه ولاية القضارف
#قضارف_الخير
#فهد_الأزرق
#إعلامي_وكاتب__قصص_قصيرة
