واضح إنو ملأ يدو تماماً من السعودية وابتدر الخطاب بشكر الأمير بن سلمان على ‘مبادرتو’ وقال هي البتلامس أشواق السودانيين ونعتبرها فرصة تجنب بلدنا الدمار والتقسيم
لأول مرة يلمح إنو في دول أخرى ‘شقيقة وصديقة’ على حد تعبيرو متفقة مع المبادرة السعودية (وطبعاً معروف هي منو)
ولأول مرة يعترض علناً على وجود الإمارات كطرف وسيط
واضح إنو الرباعية بشكلها الحالي لن تواصل جهودها وسيتم استبدالها برباعية الظل
وكمان واضح إنو في إجماع سعودي مصري أمريكي على تفكيك الدعم السريع بإعتبارو تهديد ليهم كلهم كما قالها الأمريكان صراحةً وقالوها مصر والسعودية ضمناً
قبل كدا قلت ليكم بن سلمان أعاد تعريف الحرب لترمب برؤية مختلفة
وبالتالي الحل سيكون برؤية مختلفة
المبادرة السعودية = المسار التالت اللي اتكلمنا عنو قبل يومين
بولس الآن بقى يتكلم عن تفكيك للأجهزة العسكرية والأمنية ودا ما كان مطروح خالص في خارطة الطريق في بيان الرباعية في سبتمبر الفات >> كان في نقاش حولو بين بولس والبرهان وابتدت خطوات في فلترة الأجهزة دي من الإسلاميين لكن شكلو بولس جاي راجع بأوردرات جديدة خارج الإتفاق
تفكيك الجيش دا كلام حميدتي في آخر خطاب لما قال جيش جديد لنج ودا تحديداً الكان سبب في التدخل المصري التركي المعلن ولاحقاً السعودي بموافقة أمريكية معلنة زي ما شفنا في كلام روبيو وبعدو ترمب (روبيو شايف الحل في وقف تسليح الدعم السريع وتصنيفو بالإرهاب لو دعى الأمر)
الآن الإصطفاف اتخذ أوضح شكل ليهو من بداية الحرب وتحول لمواجهة
يبدو لي انتهى زمن الحلول الناعمة (نسخة بولس)
وداخلين على الحلول الخشنة (نسخة ترمب وروبيو)
ودا سبب قوة قلب البرهان المرة دي في خطابو !!
